உலக உணவின் உயிரான நெல்லைக் காப்போம், இயற்கையுடன் இணைவோம், சுவை மிகுந்த பாரம்பரியத்தை கற்றுக்கொள்ள ஒர் அரிய வாய்ப்பு!

நாடோடிகளாகத் திரிந்து வந்த மனிதஇனம் விலங்குகளை மட்டுமே உணவாக உண்டு வந்தது, உழவைக் கண்டுபிடித்தபின் அவன் நிலையான குடியானான், அதன்பிறகு பல தானியங்களைக் கண்டுபிடித்தது மனிதகுலம், உணவுக்காக விலங்குகளைத் தேடித்திரிந்து உண்ணும் வாழ்க்கை மாறியது, பல தானியங்களை கண்டுபிடித்த மனிதன் மிக அபூர்வமான தானியம் ஒன்றை இயற்கையில் இருந்து கண்டடைந்தான்.

காடுகளில் இருந்து “மூங்கில் நெல்” போன்றவற்றைக் கண்டறிந்தான், பின் பலவகையான நெற்களைக் கண்டுபிடித்தான், ஒவ்வொரு நெல்லும் உயிர்களுக்குப் பலவிதமான ஊட்டச்சத்துகளாய் அமைந்தது, அதன் பின் மானுட வாழ்வில் நெல்லே முதன்மையான உணவானது, நெல்லே மனித உயிர் வளர்க்கும் மகத்துவமானதாய் மாறியது.